علشان يكون تفاعل المنتدى اكبر من كدا

انا عندى اقتراح ياريت نحاول ننفذه لو صح
ممكن نربط المنتدى بالمناهج فى الكليه يعنى مثلا نبدء واحدة واحدة مثلا المحاضرات نضعها على المنتدى واللى عايزها يعملها داون لوود من على المنتدى وكذللك الموديلات فى قسم الملابس و السكاشن العمليه والباترونات ومصادر لابحاث اللى احنا بنعملها فى الكليه وممكن بكد نعمل تفاعل ولو بسيط للمنتدى وشكرا

دة ممكن
بس انا بقول ان كل واحد فينا بيكتب فى المحاضرة اللى هو فهمة من الدكتور
وانا واحدة من الناس بحب اكتب انا لانى مش بفهم من كتابة حد
لازم انا اتابع الدكتور فى المحاضرة

واللة فكرة جميلة جدا يا lynx

وانا معاك فى الموضوع دة

انا مش معاك اوى فى الموضوع دة يالينكس
هتنزل مناهج فرقة اولى ولا تانية ولا تالتة ولا رابعة
ممكن فكرتك تتطبق بطريقة اصح شوية
ان اللى عايز شرح سكاشن مادة معينة يطلبها واكيد هيلاقى رد فعل

كلمتين وبس
طيب ومين اللي هيقعد يكتب المحاضارت والسكاشن كلها وعلشان خاطر ايه سواد عيون مثلا
هو فكرة جميله ومريحه لكن صعبة
ثانيا مين هيشيل ذنب اللي كتب لو كتب معلومه خطأ
هو اكيد مش مصدر موثوق منه برضه
مش كده ولا ايه

انا بقول ان كل واحد لازم يحضر المحاضرات
ويكتب هو اللى فاهمه من الدكتور
افتكر ان الاستفادة هتكون احسن واكتر
ودة ميمنعش ان ممكن بعد لما نذاكر لو وقفت حاجة مع واحد او واحدة فينا نسأل بعض فيها
هنا او حتى فى الكليه ميمنعش لاننا كلنا زمايل مع بعض
صح ولا لا
بس انا بقول ان لازم كلنا نحضر المحاضرات ونتابع الدكاترة بتوعنا لان بجد مادتهم العلمية جميلة

اية ياجماعة انتو محسيسينى انكوا بتحاربوا
ما اللى عايز يكتب يكتب
واللى مش عايز هوة حر اهو يشيل ذنب نفسة

لو سمحتم أنا عاوزه أعرف أزاى أعمل شات مع الاعضاء
عندى أسئله كتيره مش عارفه أسأل حد فيها والاسئله اللى بطرحها محدش بيجاوب عليها هتسعدونى ولا لاء